ЭЛСЭЛТИЙН ЖУРАМ

Ерөнхий мэдээлэл

ТЭРЭЛЖ БОАРДИНГ СУРГУУЛИЙН 2026-2027 ОНЫ ХИЧЭЭЛИЙН ЖИЛД СУРАГЧ ЭЛСҮҮЛЭХ ЖУРАМ

Еренхий боловсролын Тэрэлж боардинг сургуулийн элсэлтийг зохион байгуулах явцад үүсэх харилцааг зохицуулахад энэхүү журмын зорилго оршино.

НЭГ. Элсэлт

4-12-р ангид элсэлт авна.
Анги дүүргэлт 15-26 хүртэлх сурагч байна.
Элсэгч нь өмнөх сургуультай бичиг баримт болон төлбөр тооцоог дуусгасан байна.
Сургууль алслагдмал байршилтайгаас үүдэн эмнэлгийн тусламж үзүүлэхэд хугацаа шаардагдах тул элсэгч нь эрүүл мэндийн онцгой заалтгүй байна.

ХОЁР. Бүртгэл

1-р шат: Цахимаар товч анкет бөглөх.
2-р шат: Англи хэл, Математикийн түвшин тогтоох шалгалт өгөх /Хилийн чанадаас болон олон улсын хөтөлбөртэй сургуулиас элсэгчид байгалийн ухааны хичээлийн шалгалт нэмэлтээр өгч дүн дүйцүүлах/.
3-р шат: Зан төлөв, темперамент тодорхойлох тест өгөх.
4-р шат: Түвшин тогтоох шалгалт ба зан төлөвийн сорилд тэнцсэн сурагч асран хамгаалагчийн хамт ганцаарчилсан ба хамтарсан уулзалт ярилцлага биечилж болон цахимаар хийнэ.
Дээрх сорилуудын дүн болон дараагийн шатанд тэнцсэн эсэх талаарх мэдээллийг шалгалт өгснөөс хойш 48 цагийн дотор бүртгүүлсэн и-мэйл хаяг болон утсаар мэдэгдэнэ.
Дөрвөн шатны дундаж үнэлгээгээр 70% ба түүнээс дээш үнэлгээ авсан сурагчид суралцах эрх нээгдэх ба гэрээ байгуулж баталгаажуулна.

ГУРАВ. Төлбөр

Жилийн төлбөр 29 000 000 (хорин есөн сая) төгрөг байна.
Дээрх дүнгээр урьдчилгаа төлбөр байршуулснаар суудал баталгаажиж “Сургууль-Сурагч-Эцэг эх”-ийн гуравласан гэрээ хийгдэнэ.
Заасан хугацаанд төлбөрөө төлөөгүй бол бүртгэлийг цуцалсанд тооцно.
Элсэгч суралцах шийдвэрээ өөрчилснөө бичгээр мэдэгдсэн тохиолдолд суудал баталгаажуулалтын төлбөрөөс 10% суутган буцаан олгоно.
Орон нутгаас элсэгчид амралтын өдрүүдээр дотуур байранд үлдэх бол нийт төлбөр дээр 3 200 000 ( гурван сая хоёр зуун мянга ) төгрөг нэмж тушаана. Энэ тохиолдолд элсэгчид сар бүрийн сүүлийн 7 хоногт заавал гэртээ харьж амарна. (21/7) Гэрээнд хавсралтаар амралтын өдрийн дэг, бусад хариуцлагыг тусгасан хавсралт үйлдэнэ.

Хөнгөлөлт

2026 оны 06 сарын 10-ны дотор төлбөрийн 50%-ийг төлбөл өмнөх жилийн сургалтын төлбөр буюу 27 000 000 (хорин долоон сая) төгрөгөөр суралцана.
2026 оны 06 сарын 10-ны дотор төлбөрийн 30%-ийг төлбөл нийт төлбөрөөс 1 000 000 (нэг сая) төгрөг хөнгөлж 28 000 000 (хорин найман сая) болно.
Нэг айлын хоёр хүүхэд (төрсөн ах дүүс) суралцвал хоёр дахь сурагчийн сургалтын төлбөрөөс 10% хөнгөлнө.
Нэг айлын гурван хүүхэд (төрсөн ах дүүс) суралцвал гурав дахь сурагчийн сургалтын төлбөрөөс 20% хөнгөлнө.
Заасан хугацаанд бүртгүүлж суудлаа баталгаажуулаагүй бол хөнгөлөлтөд хамрагдахгүй.

Төлбөрт багтсан зүйлс:

Сургалт
Сурах бичиг
Дотуур байранд амьдрах зардал
Өдрийн гурван хоол, хөнгөн цай, цагаан идээ
Автобус тээвэр
Сонгон, дугуйлан, хөгжүүлэх хөтөлбөр

Төлбөрт багтаагүЙ зүйлс:

Хэрэв элсэгч олон улсын шалгалт /Cambridge Check point, IGCSE, AS, A Level, IELTS, SAT, HSK г.м/-ыг өгөх тохиолдолд төлбөрийг тухайн жилийн валютын ханшаар олон улсын шалгалтын төвд тушаана.
CIALFO олон улсын платформын бүртгэл (ахлах анги)
Сургуулийн дүрэмт хувцасны иж бүрдэл 450 000 (дөрвөн зуун тавин мянга ) төгрөг байна.

ДӨРӨВ. Бүрдүүлэх материал

Шалгаруулалтад тэнцэж, урьдчилгаа төлбөрөө төлсөн сурагчдад эрүүл мэндийн хуудас, бэлтгэх зүйлсийн жагсаалт, шаардагдах бичиг баримтын нэрс /эцэг, эх, асран хамгаалагчийн иргэний үнэмлэхийн хуулбар, хүүхдийн төрсөний гэрчилгээний хуулбар, оршин суугаа хаягийн тодорхойлолт/-ийг цахимаар илгээх бөгөөд зааврын дагуу бүрдүүлж сургуульд ирэхдээ хавтаслан авчирч ангийн багшид хураалгана.

Бичиг баримт дутуу тохиолдолд сурагчийг хүлээн авахгүй.
Гадаад улсад сурч байсан болон Монгол дахь Олон Улсын сургуулиас шилжин суралцагсад / ASU, BSU, ISU, MOXC г.м/ нь зохих байгууллагад хандан сурч байсан сургуулийнхаа дүн, үнэлгээг Монгол Улсын боловсролын үнэлгээ рүү шилжүүлж, тухайн ангид элсэн суралцах зөвшөөрлийг албан бичгээр авчирна.

ТАВ. Нэмэлт элсэлт

Хичээлийн жилийн дундаас элсэн орж буй сурагч сурч байсан ангиа үргэлжлүүлэн суралцана.
Хичээлийн жил эхэлсний дараа буюу тухайн оны 9-12 дугаар саруудад шилжин ирсэн сурагчид бүтэн жилээр тооцон сургалтын төлбөрийг төлнө. Хичээлийн жилийн 2-р улирлаас шилжин ирсэн суралцагчийн хувьд элссэн хугацаанаас үл хамааран хагас жилийн сургалтын төлбөрийг 100% төлнө.

Холбоо барих утас: 86791111, 86621111 /Монгол хэлээр/, 86671111 /Англи хэлээр/

Веб сайт: www.tbs.edu.mn

И-мэйл хаяг: [email protected]